xaxikomeriyak

Zenbat komunikabidek egiten dute euskaraz Euskal Herrian? Erantzuna argi dago. Gaiaren eztabaidan agertu ohi diren zergatiak ere bai. Beraz, ezer berririk ez, eta euskara kultura edo euskara sailean emango dute gehienez gure herrian guztiok ezagutzen ditugun komunikabide horiek; badakizue, euskara euskarazko liburu, pilota edo bertsolaritzarako soilik erabil daiteke horietan gehienez.
Beno, bada hara gaur entzundakoa.
Komunikabidea: SER irratia (Radio San Sebastián). Gaia: Reala. Gabi Ramosen saoian jokalarien betiko prentsaurrekoak betetzen dituenak gauza bat atzeman dio Aitor Lopez Rekarteri: Darkoren ebakuntzak taldean izango duen eraginaz galdetu zaionean gazteleraz betikoa erantzun du eta euskaraz ez. Gazteleraz talde guztia dagoela egoerari aurre egiteko eta denen artean etab. etab. aspergarria. Euskaraz, aldiz, hasteko etengabe Darkoren faltari buruzko galdera egiteari errespetu falta deritzola esan du. Hor zegoen berria. Baina, kaka zaharra, euskaraz.
Zer egin? Esataria (euskalduna noski, bestela horri ere ihes egingo zion berriak batek daki zenbat aldiz gertatu ohi den bezala) gaia aurkezten hasi da, baina BARKAMENA eskatu dio Gabi Ramosi euskarazko korte bat jarri behar izateagatik, baina gaiak honela eskatzen omen zuen.
G. Ramosek, bere aldetik, tradizozko hitz hutsal horiek bota ditu: lasai, gure hizkuntza den honetan, hain maitea dugun honetan, etab., etab.
Euskara komunikabideetan tesi doktorala egin nahi duen batentzat antologikoa iruditu zait berri hori aurkezteko modua eta testuinguru guztia.
Historiak juzga dezala.

Ez al duzue nabaritu zuen inguruan gero eta pintada gutxiago daudela?.
Gure udalen garbiketa ildoak erabat aspergarri bihurtu ditu gure kaleak eta garai bateko pareta haiek faltan botatzen ditugu.
Orain Pompeiara jaoten gara erromatarren garaiko pintadak ikustera baina hemen "garbitasuna" deitzen diogu gure kale espresioa mututze horri.
Euskal Herrian egin izan dira pegatinei buruzko erakusketak, kaleko kartelei buruzko liburuak baina pintaden argazki bilduma egoki bat falta da eta oso zaila izango da hori burutzea.
Sarean badaude gai konkretuei buruzko informazioak, plantxen bidezko pintadei buruz Garagoittiko orakulua blogean dagoena bezalakoa, edo pintada solteen argazkiak han eta hemen.
Inork badu gehiagoren informaziorik?

Bitartean , gaur egungo pintadek daramaten joeraren erakusgarri, hor duzue Andoainen aurkitutako pintada genial horietako baten argazkia