xaxikomeriyak

Nabaritu al duzue gaztetxoak jada ez direla ordularian gelditzen bere irteeretarako? Orain MacDonaldsen gelditzen dira, bulebarrean baina beste aldean. Nork sortu zuen hau?
1. Bulebarra eta Bretxa: dena eraberritu beharra zegoen. Ados. Baina dirua nondik jaso zen ikusterik badago. Bai, Macdonaldsek sekulako presioa egin zuen eta, txin txin, txin txin, baserritarrak lur azpira edo hotza pasatzen eta lokalik onena MacDonaldsentzat gelditu zen. Ah! Bulebarra ondo gelditu zen eta Bretxa... modernoa. Zer esan nahi du horrek? Galdetu arkitektoen kolegioan... bada dena sustsituta eta fatxada berrituta. Berdin arraindegiaren eraikinarekin. Auzokoentzako ekipamendurik? Bat ere ez.
2. San Martin. Bartzelonako Boqueriara joanez edo Europako edozein hiritan ikusiko duzue nola mimatzen dituzten XIX mendeko merkatuak. Ah! Gainera gu gastronomiaren hiriburu omen gara, lehengaiak mimatzen dituena... Bada berdin! Baserritarrak txoko batera edo lur azpira, postu gehienak jarraitu ezinda eskatzen zen dirutzagatik (orain "kalitatezko" produktuak saltzen omen dira, hau da, zera baino garestiago!)... Eta trukean... alkateak zioen: kultura. Hau da, FNAC. Beno, joan zaitezte. Hiru solairu eta liburuak... liburuak hirugarren solairuko izkinean eta beste guztia sakelekoak, ordenagailuak, gpsak eta kultura "modernoa".
Eta eraikina? PPk berak burdinazko bilbadura zoragarria gorde egin nahi izan zuen! Bada behera, akabo denarekin! Baina nor izan zen prozesuaren onuraduna? Joan eta begiratu: Oisho, Bershka, Zara... hau da, Amancio Ortega Espainiako tipo aberatsenarentzat lekua, eta utikan gure eraikin zaharrak.
3. Morlans. Hemen ere berdin. Babes Ofizialeko etxeak omen ziren orain ardatza, lehen bulebarra eta kultura ziren bezala. Gainera udala horretarako prest zegoen handik bertako eskola publikoa botatzeko eraikin berririk egin gabe... Presioa egin zen eta eskola berria behintzat lortu da... Eta? Orain zer? Zein da gune berri horren onuradun nabarmenena? Bada bai, korteinglesa! Hipercor bat egiten ari dira baina azken momenturarte ez dute aitortuko. Almazen handi horiek lortu dute lehen Macdonaldsek lortutakoa: ez zeuden gure hirian lekurik nabarmenena. Eskerrik asko Odon.